Blog2x ra gud.
2005.12.15Samtang gibasa-basa nako ang akong blog, akong namatikdan nga halos tanan nako gipanulat kay gamay ra (o wala gyud) pulos. Nganong ga blog man ko? Beh, basin tungod nga ga blog ang kasagara nako mga amigo, na-dani na pud ko ug apil sa ila. Pero dili gyud kini ang maong rason nganong nagsugod ko sa akoang blog.
Usa ka rason kay gusto nako ma ensayo ang akong abilidad (well, self proclaimed man ni) nga mag sulat.
Usa pud sa akong tumong nganong naghimo ko ug blog kay gusto nako i-express akong kaugalingon. Pero sa mga nilabay nga mga panahon, akong nahuna-hunaan nga di maayo kung akong igawas ang akong mga sensitive nga aligutgot kay wa koy kasigurado-an kun kinsa makabasa bahin sa akong kinabuhi.
Ako hinuong paniguhaon nga aduna koy masulat diri nga naay unod ug dili ra kalas sa oras sa mga tawong adunay paki nga mubisita niining blog.
Di gihapon nako masiguro kung unsa ang rason ngano nagsugod ko sa akong blog. Pero okay gihapon ni. Lima ka tuig sugod karon, lingaw siguro ni basahon ang akong gipangsulat. Ug kung mamatay na ko, naay gamay nakong mga panghunahuna ang magpabilin.
Comment by Carl Mañoso — 2005.12.19 @ 18:42